Espéranto-Provence

Alain Rémy, prezidanto de Espéranto-Provence, forpasis

thierry s — 2024-08-15T21:13:40Z

Ni havas la doloron devi anonci la morton de Alain Rémy, prezidanto de Espéranto-Provence, okazintan dum trafika akcidento, la 31-an de julio 2024 en Bielsko Biała, Pollando.

Alain, same kiel la antaŭajn somerojn, planis rondvojaĝon en Eŭropo sur kuŝanta biciklo, kio devus ebligi lin ree renkonti siajn tre multajn amikojn ĉie survoje.

Alain Rémy, 75-jaraĝa, iama lerneja direktoro en La Ciotat, pasia pri vojaĝoj tra la mondo sur sia kuŝanta biciklo, estis membro de la grupo Espéranto-Hyères kaj fariĝis prezidanto de la Federacio Espéranto-Provence. Nia federacio sendas siajn plej sincerajn kondolencojn al liaj familio kaj multaj amikoj.

La entombigo de Alain okazos la 20-an de aŭgusto 2024 je 14:15 en La Balme-de-Sillingy, Haute Savoie.

Espéranto-la Ciotat organizas omaĝon al Alain,, la 19-an de septembro 2024 de la 18-a ĝis la 20-a en la Templo, place Guibert, La Ciotat. Ĉiuj povos diri kelkajn vortojn, aŭ anekdotojn, pri Alain, por honori lian memoron. Kondolenca kajero estos havebla.

Alain Rémy estis konata de multaj esperantistoj tra la mondo, ĉar li
vizitis ilin okaze de biciklovojjaĝoj. Ĉiuj estis ŝokitaj de lia
akcidenta morto la 30-an de julio en Pollando, kiun li per kuŝbiciklo
traveturis cele al vizito al malnovaj amikoj.

Espéranto-La Ciotat, la urbo, kie li estas daŭre konata de kolegoj,
sindikatistoj kaj aliaj ĉar li estis lernejestro, organizas vesperon
ĵaŭde la 19-an de septembro 2024. Vi povas kontribue sendi viajn mesaĝojn per aŭdvida sistemo al fred@gilles.ovh ĝis la 16-a de septembro. Frédéric
kompilos viajn kontribuojn per powerpoint kaj ni diskonigos ilin.

Ne hezitu plusendi tiun mesaĝon. Anticipajn dankojn.

Artikoloj estis dediĉitaj al ĉi tiu malĝoja evento en :

La Marseillaise

L'Est Républicain

Bielski Drogi

Aliĝu al nia federacio por la jaro 2026 !

pascal — 2022-01-13T17:22:24Z

Atentu :
Espéranto Marseille partoprenas en la komuna kotizsistemo proponita de Espéranto-France. Se vi estas Marsejlano kaj emas aliĝi aŭ realiĝi al Espéranto Marseille (kaj samtempe al Espéranto-Provence kaj Espéranto-France), bonvolu ne uzi la suban aliĝilon, sed vidi kion fari legante la sekvan artikolon :
https://esperanto-marseille.over-bl...

Por ĉiuj aliaj, vi povas aliĝi al via loka klubo kaj al la Federacio Esperanto-Provenco. Ĉiuj detaloj estas ĉi tie :

Politiko de Esperanto-Provenco pri personaj datumoj

thierry s — 2020-01-04T21:12:50Z

Esperanto-Provenco protektas viajn privatecon kaj personajn datumojn. Ĉiuj informoj, kiujn vi sendas al ni estas uzataj de Esperanto-Provenco diskrete kaj konforme al la Ĝenerala Datum-Protekta Regularo (ĜDPR - EU 2016/679). Ĉi tiu reteja privateca politiko priskribas, kiel ni uzas kaj prilaboras la informojn, kiujn ni kolektas pri vi kiam vi vizitas nian retejon. Uzante nian retejon, vi akceptas ĉi tiun privatecan politikon. Vi donas vian permeson meti kuketojn en vian komputilon, permesante kuketojn en la retumilaj agordoj.

La efektiva dato de ĉi tiu privateca politiko estas la 18a de septembro 2019. Ni rezervas al ni la rajton ĝisdatigi tiun dokumenton kaj modifi ĉi tiun privatecan politikon.

Kiujn informojn ni kolektas ?

Nia retejo ne kolektas personajn informojn pri vi aŭ viaj profilo, preferoj, ktp. Tamen ĝi povas kolekti anonimajn informojn pri vi, ekz. pri via uzmaniero de nia retejo. Ĉi tiuj informoj povas inkluzivi vian IP-adreson, la retumilon kiun vi uzas, informojn pri la mastrumilo de via komputilo, kaj paĝojn kiuj estis montritaj al vi. Ni povas uzi la informojn nur por teknikaj celoj.

Ni kolektas nur la personajn informojn, kiujn vi propravole sendis al ni. Ekzemple, kiam vi kontaktas nin retpoŝte, telefone aŭ persone, viaj nomo kaj retpoŝta adreso estas petitaj. Se vi volas, vi povas ankaŭ diskonigi vian telefonan numeron kaj pliajn informojn sur la kontaktilo.

Kiel ni uzas viajn informojn ?

● Pritrakti kaj respondi kontaktajn petojn,
● Prezenti la enhavon de nia retejo en maniero plej taŭga por via aparato,
● Kontroli la uzon de nia retejo kaj plibonigi la retejajn funkciojn kaj la sperton de la uzanto,
● Laŭleĝe informi vin pri niaj servoj,
● Plibonigi viajn konektojn.

Ĉu viaj informoj estos diskonigitaj al kromaj personoj ?

Ni ne diskonigas viajn personajn informojn al kromaj personoj eksteraj al Esperanto-Provenco, al Unuiĝo Franca por Esperanto (Esperanto-Francio) aŭ al la lokaj kluboj ligitaj kun Esperanto-Provenco. Ĉiu informo, kiun ni kolektas, estas uzata nur laŭ manieroj klarigitaj en ĉi tiu privateca politiko. Nur niaj komitatanoj, kiuj bezonas la informojn por plenumi siajn taskojn, rajtas uzi la informojn. Viaj informoj ne estas diskonigitaj al aliaj organizaĵoj por komercaj celoj.

Kiel vi povas modifi vian privatecon ?

Vi rajtas kontroli, kiujn personajn informojn ni stokas pri vi, fari ŝanĝojn en ili kaj se vi deziras, peti ilian forigon. Petoj rilataj al demandoj pri privateco povas esti senditaj aŭ retpoŝte al provence.esperanto<ĉe>laposte.net aŭ poŝte al Renée Triolle, Bello Bauco, 694 chemin de la Civade verde, 13600 La Ciotat, Francio.

Por malebligi ricevon de pluaj retmesaĝoj aŭ por malaboni la servojn, bonvolu sendi retmesaĝon al provence.esperanto<ĉe>laposte.net aŭ leteron al Renée Triolle, Bello Bauco, 694 chemin de la Civade verde, 13600 La Ciotat, Francio.

Kvankam verŝajne eta estos pleparto de la ŝanĝoj, Esperanto-Provenco eble modifos sian Privatecan Politikon de tempo al tempo, laŭ sia propra iniciato. Ĉiuj ŝanĝoj, kiujn ni faros estonte al nia privateca politiko, estos afiŝitaj sur ĉi tiu paĝo.

Federacio Esperanto-Provenco

pascal — 2017-11-12T16:04:42Z

Nia federacio koncernas la 8 jenajn departementojn :
04 – Alpes-de-Haute-Provence
05 – Hautes-Alpes
06 – Alpes-Maritimes
13 – Bouches-du-Rhône
2A – Corse-du-Sud
2B – Haute-Corse
83 – Var
84 – Vaucluse

En siaj statutoj, la federacio donis al si la jenajn celojn :

- disvolvi la internacian lingvon Esperanto
- ebligi rilatojn inter la regionaj esperantoparolantoj (kaj simpatiantoj)
- subteni kaj kunordigi la aktivecojn de la grupoj aŭ lokaj kluboj, antaj kaj ontaj, kiuj celas propagandi, uzi kaj instrui Esperanton
- reprezenti la Sud-regionon ĉe regionaj, naciaj aŭ internaciaj instancoj
- informi pri justa komunikado

Estraro :

prezidanto : Rosy Inaudi
sekretario : Pascal Panarotto
kasisto : Marc Gallardo
helpsekretario : Marc Gallardo
aliaj estraranoj : Philippe Duc-Goninaz, Frédéric Gilles, Thierry Spanjaard, Renée Triolle

Sidejo :
ĉe Renée Triolle – Belle Baùco, 694 chemin de la Civade verde – 13600 La Ciotat

Komunikiloj :
sekretariejo ĉe Pascal Panarotto, ilarione13 <ĉe> outlook fr
Aŭ uzu nian kontaktformularon.

Statuto :
La statuto de la Federacio Esperanto-Provenco estas ĉi tie.
La interna regularo de la Federacio Esperanto-Provende estas ĉi tie.

La federacio Esperanto-Provenco eldonas gazeton kvarfoje jare, kaj organizas (aŭ partoprenas) multajn eventojn.